Rusia pretendon se mbrojtja e saj ajrore e shkatërroi një dron që po i afrohej Moskës dhe dy të tjerë në një rajon në kufi me Ukrainën gjatë orëve të para të mëngjesit të 27 gushtit. Mbrojtja ajrore në rrethinën Lyubertsy në juglindje të kryeqytetit “rrëzoi një dron që po fluturonte drejt Moskës”, tha kryetari i qytetit, Sergei Sobyanin, në Telegram, pa treguar se kush e kreu sulmin, raporton Radio Europa e Lirë. Sulmi u konfirmua dhe nga ministria e Mbrojtjes e Rusisë që fajësoi Kievin. Menjëherë pas këtyre episodeve në aeroportet e Moskës, Domodedovo dhe Vnukovo u pezulluan fluturimet. Ndërkohë dy dronët e tjerë, sipas ministrisë së mbrojtjes ruse, u shkatërruan në rajonin Bryansk. Ndërsa nuk u dhanë detaje nëse pati viktima apo dëme. Gjatë javëve të fundit, kryeqyteti rus së bashku me disa rajone të tjera kanë qenë shënjestër e sulmeve të njëpasnjëshme e dronëve ukrainës. Kjo pasi Kievi është zotuar se do t’I përgjigjet me luftë Rusisë.