Një senatore në SHBA akuzohet se ka shfrytëzuar për marrëdhënie intime kreun e stafit të saj, që është i martuar duke e detyruar të kryente akte seksuale në zyrë ose në makinë. Senatorja republikane Marie Alvarado-Gil është paditur nga Chad Condit per abuzim seksual dhe krijim i një “mjedisi armiqësor pune”. Në padinë civile në gjykatë, thuhet se eprorja shpesh i kërkonte të kryente akte seksuale. Ai akuzon eproren dhe senatin shtetëror të Kalifornisë për “diskriminim në shkelje me rregullat e punësimit”. Ish-kreu i stafit e përshkruan marrëdhënien me shefen e tij me presion, teksa Alvarado-Gil shfrytëzonte pushtetin e saj. Alvardo-Gil është e martuar me gjashtë fëmijë. Ajo kishte punësuar Condit si drejtues të stafit të saj pak pas zgjedhjes në 2022 por e shkarkoi një vit më vonë. Ajo mohoi akuzat duke thënë se ai është vetëm një “ish-punonjës i hatërmbetur” i cili ka “fabrikuar një histori … për të fituar para.” Ognian Gavrilov, avokati i Alvarado-Gil, tha për rrjetin POLITICO se akuzat nuk mbështeten nga prova. “Ne presim që Senatorja të çlirohet nga çdo akuzë apo pretendim të bazuar në fitime financiare”, u shpreh ai.