Pamjet ekskluzive të kanalit publik të Greqisë tregojnë momentet e fundit nga operacioni i shpëtimit të kordinuar nga Roja bregdetare greke ,pas fundosjes në ujërat pranë ishullit Andros, të një anije mallrash në orët e para të mëngjesit të së mërkurës. Alarimi i dhënë nga autoritetet protuale ka bërë që anëtarët e ekuipazhit, tetë shtetas turq dhe një nga Azerbajxhani që ndodheshin në bord të shpëtohen me sukses.Anija e interesave turke, me flamur të Vanuatu-së, ishte nisur nga Shqipëria drejt Ukrainës, duke transportuar rreth 8 mijë tonë sodë, kur u përplas me shkëmbinjtë në një zonë të vështirë bregdetare. Përplasja shkaktoi dëme të rënda, që çuan në fundosjen e saj.Dy prej marinarëve u nxorën nga deti nga një mjet patrullimi, ndërsa shtatë të tjerët u lokalizuan dhe u evakuuan nga një zonë shkëmbore të paarritshme në ishull.Të mbijetuarit u transportuan të sigurt në portin e Andros dhe, sipas informacioneve të para, janë në gjendje të mirë shëndetësore.Në operacion morën pjesë dy mjete të Rojës Bregdetare, një anije pasagjerësh, tre anije të tjera që ndodheshin pranë dhe një helikopter i Forcave Ajrore.Autoritetet po procedojnë me masat kundër ndotjes për të parandaluar një derdhje të mundshme karburanti nga anija e tipit Corsage C 1,939-gt e ndërtuar në vitin 1982. Ndërkohë që autoritetet po hetojnë shkaqet e aksidentit detar, sipas të dhënave që publikohen ne mediet greke, anija në fjalë e inspektuar 26 herë gjatë gjashtë viteve të fundit dhe e ndaluar tre herë , theksohet se është klasifikuarsi një nga anijet me rrezikshmëri mesatare deri shumë të lartë.