Situatë dramatike në jug të vendit si pasojë e reshjeve të natës. Në Çukë është çarë argjinatura e lumit Bistricë, duke shkaktuar përmbytje masive. Më shumë se 500 krerë bagëti janë mbytur, ndërsa qindra tonë misër dhe magazina bujqësore janë shkatërruar. Pesë banesa në Çukë janë përfshirë nga uji. Përmbytje të gjera janë raportuar në të gjithë fushën e Konispolit, në zonat Çiflik, Shkallë, Musi, Xarrë dhe Vrinë, pasi lumi Pavëll ka dalë nga shtrati. Argjinatura është shembur edhe në Bamatat, ndonëse punimet e saj u inspektuan vetëm disa ditë më parë nga ministri i Bujqësisë dhe deputetët Ardit Bido e Vasil Llajo. Ndërkohë, lumi Bistricë ka vërshuar edhe në zonën e Palit, pranë urës së Metoqit, duke përmbytur magazina bujqësore dhe disa banesa. Dëmet materiale vlerësohen si shumë të mëdha.