Raketa Falcon 9 e kompanisë SpaceX u nis me sukses nga Baza Hapësinore e Kalifornisw, duke dërguar në orbitë tre satelitë të rinj të quajtur "FireSat". Këta satelitë janë projektuar posaçërisht për diktimin e hershëm të zjarreve masive në pyje. Ky projekt është një iniciativë globale e udhëhequr nga organizata jofitimprurëse Earth Fire Alliance (EFA) dhe mbështetet financiarisht nga gjiganti teknologjik Google Fondi Bezos për Tokën dhe shteti i Kalifornisë. Satelitët janë prodhuar nga kompania Muon Space. Secili ka madhësinë e një lavastoviljedhe peshon rreth 113 kilogramë. Falë sensorëve me rreze infra të kuqe dhe inteligjencës artificiale, satelitët mund të pikasin vatra zjarri shumë të vogla përpara se ato të dalin jashtë kontrollit. Teknologjia infra e kuqe lejon satelitët të shohin tejpërtej tymit të dëndur, duke përcaktuar me saktësi vatrën e saktë në tokë. Satelitët aktualisht kanë hyrë në një fazë testimi dhe kalibrimi që do të zgjasë tre muaj. Të dhënat dhe imazhet e para live do të fillojnë t'u dërgohen agjencive të emergjencave si CAL FIRE në vjeshtën e vitit 2026. Synimi përfundimtar i projektit është që deri në vitin 2030 të dërgohen në hapësirë mbi 50 satelitë të tillë, duke bërë të mundur monitorimin e plotë të planetit dhe përditësimin e situatës së zjarreve çdo 20 minuta.