Top Channel/“Mbretëresha” e Devollit po zhduket/Qepa e Mirasit, tani nuk kultivohet më nga fermerët

E njohur si mbretëresha e Devollit, qepa e Mirasit po shkon drejt zhdukjes pasi fermerët po e braktisin kultivimin e kësaj kulture. Deri në vitet '90 kjo lloj qepe e thatë kultivohej vetëm në fshatin Miras dhe më pas u përhap edhe në fshatrat ngjitur, por pasi për disa vite me radhë mbeti stok dhe fermerët u detyruan ta hedhin në lumë të gjithë prodhimin tani sipërfaqja e kultivuar është tkurrur ndjeshëm. Fara autoktone 400- 500 vjeccare mbillej dikur në një sipërfaqe prej 300 dynymësh por aktualisht fermerët kultivojnë vetëm 15% të kësaj sipërfaqe me qepë ndërsa pjesën tjetër e yenë kulturat e grurit, misrit dhe fasules.