Kryeministri britanik Keir Starmer duket se ka siguruar përkohësisht pozitat e tij në krye të Partisë Laburiste, pasi sfida e paralajmëruar nga Ëes Streeting nuk u materializua, pavarësisht tensioneve të brendshme dhe dorëheqjeve të disa aleatëve të tij. Burime pranë Doëning Street bëjnë të ditur se sekretari i Shëndetësisë nuk ka ende mbështetjen e nevojshme për të nisur një garë zyrtare për lidership, duke mos arritur pragun prej 81 deputetësh që kërkohet për një kandidim të tillë. Starmer, sipas asaj që raporton “The Guardian”, ka vendosur një vijë të ashpër brenda kabinetit të tij, duke kërkuar qartësi dhe disiplinë duke iu kërkuar të tijëve “të heshtin ose të largohen”. Streeting pritet të zhvillojë bisedime të drejtpërdrejta me kryeministrin në ditët në vijim, në një përpjekje për të sqaruar pozicionin e tij politik dhe shqetësimet brenda partisë. Megjithatë, burime nga qeveria sugjerojnë se ai është tërhequr nga ideja e një sfide të menjëhershme, mes mungesës së mbështetjes së nevojshme. Ndërkohë, autoriteti i kryeministrit është lëkundur nga dorëheqja e katër ministrave, tre prej të cilëve konsiderohen si aleatë të afërt të Streetingut, në një lëvizje që shihet si sinjal pakënaqësie brenda radhëve qeverisëse. Mbi 90 deputetë laburistë kanë kërkuar gjithashtu largimin e Starmer, por jo të gjithë ata mbështesin Wes Streeting .