Qindra persona janë zhdukur të dielën pasi një varkë u përmbys pranë kufirit mes Tajlandës dhe Malajzisë, njoftuan autoritetet malajziane. Deri më tani janë shpëtuar 10 persona, ndërsa është gjetur një trup i pajetë. Sipas autoriteteve detare rreth 300 persona ndodheshin në bord kur anija u nis nga Butidaung, në Mianmar, tre ditë më parë. Ai shtoi se shpresa për të gjetur të mbijetuar mbetet ende, ndërsa kërkimet vazhdojnë në det. Sipas raportimeve të mediave shtetërore, ndër të shpëtuarit janë tre burra nga Mianmari, dy nga komuniteti Rohingia dhe një shtetas i Bangladeshit, ndërsa viktima e gjetur është një grua Rohingia. Komuniteti Rohingia, me shumicë myslimane, prej vitesh i ikën persekutimit në Mianmarin budist, ku u mohohet shtetësia dhe të drejtat bazë. Sipas policisë, grupi që synonte të shkonte në Malajzi fillimisht udhëtonte me një anije të madhe, por afër kufirit u urdhëruan të kalonin në tre varka më të vogla, secila me rreth 100 persona, për të shmangur zbulimin nga autoritetet. Fati i dy varkave të tjera mbetet i panjohur, ndërsa operacionet e kërkim-shpëtimit janë ende në zhvillim, thanw zyrtarw tw policisë.