Më shumë se 14.000 persona janë zhvendosur ditëve të fundit nga rajoni lindor ukrainas i Harkivit, ku Rusia më 10 maj nisi një ofensivë tokësore, sipas Organizatës Botërore të Shëndetësisë. Në këtë ofensivë, forcat ruse kanë bërë përparimin më të madh në Ukrainë në të paktën 18 muaj. “Gjatë dy javëve të fundit, luftimet në rajonin e Kharkivit në Ukrainë janë përshkallëzuar rëndë”, tha në një konferencë përfaqësuesi i OBSH-së në Ukrainë, Jarno Habicht. “Më shumë se 14.000 persona janë zhvendosur brenda ditësh dhe pothuajse 189.000 ende gjenden brenda perimetrit prej 25 kilometrash në kufi me Federatën Ruse, duke u përballur me rreziqe të mëdha për shkak të luftimeve që po vazhdojnë”, sipas tij. “Me përkeqësimin e situatës së sigurisë, po rriten nevojat humanitare në rajon, ndërsa konflikti ka rritur ndjeshëm numrin e pacientëve të plagosur”, shtoi ai. Rusia ka nisur pushtimin në shkallë të plotë të Ukrainës në shkurt të vitit 2022. Sipas OBSH-së, që nga nisja e luftës, në shkurt 2022, janë kryer më shumë se 20.000 të lënduar. Rreth 200 autoambulanca janë dëmtuar apo shkatërruar për nëj vit nga shpërthimet “duke u mohuar ukrainasve kujdesin urgjent shëndetësor”.