Mbi 100 persona kanë humbur jetën pasi një tërmet i fuqishëm goditi Kolumbinë perëndimore të hënën, duke shembur ndërtesa në disa qytete dhe duke plagosur dhjetëra të tjerë, ndërsa ende shumë banorë mbeten të bllokuar nën rrënoja. Tërmeti me magnitudë 7.4 të shkallës rihter, sipas Shërbimit Gjeologjik të SHBA-së, goditi në një thellësi prej 107 kilometrash në Choco, një provincë në bregdetin e Paqësorit të Kolumbisë, por u ndje në qytetet e mëdha në mbarë vendin. Autoritetet shpallën gjendjen e jashtëzakonshme në nivel kombëtar, ndërsa të gjithë forcat e emergjencave vijojnë punën në terren për shpëtimin e njerëzve nën rrënoja. Autoriteti i Aviacionit Civil të Kolumbisë tha se fluturimet u pezulluan në aeroportet kryesore të vendit, ndërsa autoritetet njoftuan mbylljen e shkollave dhe universiteteve në të gjithë vendin. Sistemi i paralajmërimit për cunami i SHBA-së tha se nuk kishte kërcënim për cunami pas tërmetit.