Administrata Trump njoftoi planet për vendosjen e një tarife prej 103,265 dollarësh për vizat H-1B, dhe kjo vetëm pak muaj pasi një gjykatës federal anuloi përpjekjen e mëparshme të qeverisë amerikane për të vendosur një tarifë aplikimi prej 100,000 dollarësh. Në rregulloren e propozuar nga qeveria amerikane nënvizohet se tarifa e pazamkontë do të përdorej për të “rikuperuar” kostot e funksionimit të sistemit të emigracionit dhe se ajo në thelb, do t’i nxiste kompanitë të punësonin punëtorë amerikanë dhe t’u ofronin atyre paga më të larta. Rregullorja nuk është përfundimtare dhe procesi mund të zgjasë disa muaj përpara se ajo të hyjë zyrtarisht në fuqi, veçanërisht nëse përballet me sfida ligjore. Publiku ka 30 ditë kohë për të paraqitur komente në përgjigje të propozimit. Vizat H-1B u mundësojnë profesionistëve të huaj të kërkojnë punë në profesione që konsiderohen më të specializuara. Aplikantët duhet të kenë një diplomë universitare ose një kualifikim të ngjashëm ekuivalent. Viza është e vlefshme për tre vjet dhe mund të rinovohet edhe për tre vite të tjera. Ekonomistët kanë argumentuar se ky program u mundëson kompanive amerikane të ruajnë konkurrueshmërinë dhe të zgjerojnë aktivitetin e tyre, duke krijuar vende të reja pune. Ligji amerikan lejon lëshimin e 65,000 vizave H-1B në vit, ndërsa 20,000 të tjera janë të rezervuara për personat që kanë diploma të avancuara nga institucionet amerikane të arsimit të lartë. Administrata Trump ka këmbëngulur se programi përdoret në mënyrë të tepruar dhe se pengon kompanitë të punësojnë punëtorë amerikanë. Nënpresidenti JD Vance e mbështeti tarifën e re të propozuar në një postim në X, duke shkruar: “Nëse një korporatë amerikane ka nevojë për punëtorë, duhet të punësojë dhe të trajnojë amerikanë.” Përpjekja e administratës për të vendosur një tarifë të lartë për vizat H-1B daton në shtator të vitit 2025, kur presidenti Donald Trump, mdërsa më parë, tarifa ishte rreth 3,000 dollarë.