Sali Berisha ju përgjigj komentit të Edi Ramës për bashkimin e votave mbi rezolutën e BE. Kreu i PD nuk ja njeh meritat e konsesusit socialistëve, por faktorëve gjeopolitikë. Në komentin drejtuar kryeministrit, Berisha shprehet se Shqipëria nuk është gati për të qenë anëtare e Bashkimit Europian, por përkrah i detyruar procesin. “Në monologun e tij, ndër të tjera u ndal te rezoluta që u votua në parlament, duke pretenduar se opozita e votoi pasi konstatoi se po zhbllokohet IBAR. E VËRTETA ËSHTË SE OPOZITA KA NJË TEZË NGA E CILA NUK LËVIZ. Shqipëria përvec kriterit gjeopolitik nuk plotëson asnjë kriter për anëtarësimin në BE, por opozita e mbështet këtë proces si të diktuar nga gjeopolitika dhe nuk ka menduar kurrë të bllokojë procesin”. Për Berishën ky kompromis nuk është përgëzim për punën e qeverisë, por thjesht udhëzim për cfarë duhet përmbushur në të ardhmen.