Aeroplanmbajtësja e re britanike Queen Elizabeth, u ankorua sot në portin qipriot të Limassol, në përgatitje të misionit të “luftës kundër mbetjeve të ISIS në Irak”, që do të kryejë nga deti Mesdhe. Përvec misionit të deklaruar 28 javor, prezenca e saj është gjithashtu sipas Londrës, një "sinjal i fortë" miqësie mes Britanisë dhe ish-kolonisë së saj Qipro. Ajo shoqërohej në port nga luftanija amerikane USS The Sullivans. ‘Queen Elizabeth’ vjen në Qipro pas ndalimit të saj të parë në portin e Siçilisë. Mjeti gjigand që kushtoi më shumë se 3 miliardë paundë për t’u ndërtuar, mban në kuvertë gjuajtësit F-35B me të cilët do të kryejë misionet e luftimit në Irak dhe Siri. Komandanti britanik i grupit detar Steve Moorhouse, tha: "Mesdheu mbetet i rëndësishëm për sigurinë tonë kolektive. Në rastin e Qipros, ne mezi presim të kryejmë misione të përbashkëta stërvitjeje të mbrojtjes e sigurisë kibernetike, gardën kombëtare dhe sektorë të tjerë të shoqërisë vendase.”