Qytetarë të ndryshëm dhe biznese prej disa ditësh po përballen me një fushatë mashtrimi nëpërmjet sistemeve kompjuterike. Sipas policisë, në postat e tyre elektronike ka mbëritur ky email që mban emrin e kreut të policisë kriminale, Neritan Nallbati. Në mesazhin e dërguar, qytetarëve dhe bizneseve u thuhet se ndaj tyre gjykata ka caktuar një masë sigurie e për këtë arsye ata duhet të përgjgijen menjëherë para se të ekzekutohet vendimi. Mashtruesit shtiren si drejtuesi i policisë kriminale, Neritan Nallbati, por dhe drejteus të tjerë të lartë të Policisë së Shtetit ndërsa si synim kanë marrjen e shumave të ndryshme monetare. Nëpërmjet një deklarate zyrtare të shpërndarë për mediat, policia ka bërë thirrje që askush të mos bie pre e këtyre mashtrimeve kompjuterike. Drejtoria për hetimin e krimeve kibernetike thotë se tashmë ka nisur një hetim me qëllim identifikimin dhe kapjen e mashtruesve. Ndërkohë fton të gjithë qytetarët që t’I denoncojnë rastet pasi mesazhi është I rremë. Ndërkohë ende nuk dihet numri I personave që kanë rënë pre e këtij mashtrimi kompjuterik.