Gjashtë persona humbën jetën pasi një person i armatosur hyri në një shtëpi për të moshuarit në Kroaci këtë të hënë dhe hapi zjarr. Autori i pajisur me armë zjarri hyri në azilin privat në qytetin Daruvar, rreth 75 milje në lindje të kryeqytetit Zagreb, dhe qëlloi ndaj të pranishmëve, njoftoi Radiotelevizioni Kroat. Disa të tjerë, ndodhen në spital, nën kujdesin e mjekëve. Autori u largua me vrap nga vendngjarja, por u arrestua më vonë pranë një kafeneje. “Jemi të tmerruar nga vrasja e pesë personave” në shtëpinë e të moshuarve, tha kryeministri kroat, Andrej Plenkoviç në një postim në rrjetet sociale. “Shprehim ngushëllimet tona për familjet e viktimave dhe shpresojmë për shërimin e të plagosurve. Pres që autoritetet kompetente të përcaktojnë të gjitha rrethanat e krimit të tmerrshëm”, tha Plenkoviç. Zëvendëskryeministri i Kroacisë Davor Bozhinoviç, ministri i Shëndetësisë Vili Berosh dhe ministri i politikës sociale Marin Piletiç po udhëtojnë në Daruvar, ndërsa hetimi për ngjarjen vijon.