Vatikani ka rishprehur kundërshtitë sa I takon çështjes së ndryshimit të seksit, teorisë gjinore, prindërimit zëvendësues, si dhe abortit duke miratuar një deklaratë të quajtur “Dinjiteti I pafund”. Po ashtu si kërcënime të mundshme për dinitetin njerëzor renditen edhe tema të tjera sociale si varfëria, migrimi dhe trafikimi qënieve njerëzore. Teksti u nënshkrua nga Papa Françesku, I cili është kritikuar shpesh nga konservatorët katolikë për qëndrimet e tij si dhe për drejtimin e kishës katolite. Në vitin 2023, Papa Françesku tha se transgjinorët mund të pagëzohen në Kishën Katolike për sa kohë që kjo nuk shkakton skandal ose "konfuzion". Ai gjithashtu lejoi priftërinjtë të bekojnë çiftet e të njëjtit seks në rrethana të caktuara, megjithëse Vatikani tha se vazhdon ta shohë martesën si midis një burri dhe një gruaje. Por tani, deklarata e Dignitas Infinita “Dinjiteti I pafund” e quan abortin një "krizë jashtëzakonisht të rrezikshme të sensit moral" dhe thotë se surrogacia është një "shkelje" si e gruas ashtu edhe e fëmijës. Ai gjithashtu thekson se seksi i një personi në lindje shihet si një dhuratë dhe çdo përpjekje për ta ndryshuar atë rrezikon t'i nënshtrohet "tundimit për ta bërë veten Zot". Shfrytëzimi i të varfërve, emigrantëve dhe grave përshkruhet gjithashtu si fyerje ndaj dinjitetit njerëzor. Papa Francesku u zgjodh në vitin 2013. Në një autobiografi të botuar muajin e kaluar, ai tha se nuk kishte ndërmend të tërhiqej dhe planifikonte të qëndronte në detyrë për gjithë jetën. Pamjet: AFP