Në ditën Ndërkombëtare të të drejtave të fëmijëve në Korçë është zhvilluar një marshim sensibilizues nga institucione dhe aktorë të shoqërisë civile të cilët kërkojnë rritjen e ndërgjegjësimit dhe angazhimin jo vetëm të institucioneve por të gjithë shoqërisë. Për përfaqësuesen e bashkisë Korçë Vasilika Nole, rastet e bullizmit, ngacmimet seksuale dhe dhuna janë në rritje dhe vetëm gjatë këtij viti janë trajtuar 45 raste Për mësuesit dhe përfaqësuesit e shoqërisë civile rastet e fundit dëshmojnë se të ndikuar nga faktorë të ndryshëm mes të cilëve rrjetet sociale, fëmijët dhe të rinjtë po bëhen më të dhunshëm Me pankarta në duar dhe thirrjen na mbroni fëmijë të shumtë kanë marshuar në qendër të qytetit duke i bërë thirrje shoqërisë dhe institucioneve për të reaguar si duhet me qëllim parandalimin e ngjarjeve të rënda.