Shumica e liderëve botërorë po nxitojnë të zhvillojnë telefonatat e para me presidentin e ri të zgjedhur të shteteve të bashkuara të amerikës. Së fundmi me Donald Trump ka biseduar edhe kancelari gjerman Olaf Scholz, i cili e ka përshkruar si befasuese telefonatën me të. “Ishte, ndoshta çuditërisht, një bisedë shumë e detajuar dhe e mirë me presidentin e zgjedhur të SHBA-së”, tha Scholz në një intervistë për mediat vendase. Scholz tregoi se gjatë telefonatës me Trump kishte biseduar edhe për luftën në Ukrainë. Ndonëse nuk zbuloi detaje të bisedës, Scholz siguroi mediat vendase se Trump mendon shumë më ndryshe nga sa konceptohet në Europë edhe për luftën në Ukrianë. Sa për mundësinë e arritjes së ndonjë marrëveshje në dëm të Ukrainës, zoti Sholz sigutoi se gjatë bisedës që zhvilloi me presidentin e zgjedhur të amerikës "nuk kishte nuhatur asnjë asnjë tregues të tillë. Një javë më parë Scholz zhvilloi edhe një bisedë telefonike me Vladimir Putin, e para pas 2 vitesh ndërprerje të marrëdhënieve.