Izraeli dhe Hamasi mund të arrijnë së shpejti një marrëveshje për lirimin e dhjetëra pengjeve që po mbahen në Gaza. Marrëveshja e cila do të mundësonte dhe një pauzë të përkohshme të luftimeve si dhe kalimin e kamionëve me ndihma për të gjithë civilët, sipas zërit të Amerikës, është duke u negociuar me ndihmën e SHBA. Ndërkohë vetë ambasadori I izraelit në Shba, gjatë një intervistë të dhënë për kanbalin ABCNews, pa dhënë shumë detaje, njoftoi se gjatë ditëve në vijim mund të ketë lirim të pengjeve. “Sa më pak t’i futemi detajeve, aq më të mira janë shanset për një marrëveshje të tillë. Por, përpjekjet janë shumë serioze dhe kam shpresë se do të kemi një marrëveshje në ditët që vijnë”, përfundoi ai. Hamasi ka marrë më shumë se 240 persona peng gjatë sulmit që bëri më 7 tetor në Izrael. Vetëm një numër I vogël I tyre janë liruar ndërsa fati I të tjerëve ende nuk dihet. Sipas ushtrisë izraelite ata po mbahen në tunelet nëntokësor të Hamasit në Gaza. Në javët pas 7 tetorit, nga sulmet ajrore izraelite dhe ofensiva tokësore u vranë mbi 12 mijë palestinezë, pjesa më e madhe civilë, sipas të dhënave të Ministrisë palestineze të Shëndetësisë në Bregun Perëndimor. Pamjet: AFP