Një 40-vjeçar nga Lezha u gjobit nga policia pasi jo vetëm kreu manovra të rrezikshme me motor në autostradë, por edhe postoi videon e manovrave në rrjetet sociale. Si rezultat i veprimeve të menjëhershme procedurale, të kryera nga policia e Lezhës, pas publikimit të një video-je në rrjete sociale, në të cilën shfaqet një drejtues motomjeti, duke kryer një manovër të rrezikshme për veten dhe për përdoruesit e tjerë të rrugës, në aksin rrugor “Fushë Milot – Thumanë”, u bë identifikimi i 40 vjeçarit nga Tirana i cili u ndwshkua me 20 000 lekë të rinj gjobw Policia e Lezhës falënderon qytetarët për denoncimet dhe i fton ata që të vijojnë të denoncojnë çdo rast të paligjshmërive, në Komisariatin Dixhital apo në numrin pa pagesë 112, duke iu garantuar reagim të shpejtë, profesional dhe të paanshëm. Gjithashtu, Policia Rrugore e Lezhës apelon për të gjithë përdoruesit e rrugës, që të respektojnë rregullat e qarkullimit rrugor, me qëllim parandalimin e aksidenteve.