Ministrja e Shëndetësisë ndodhej këtë të premte në Spitalin Infektiv, ku zhvilloi një takim me mjekët dhe infermierët e spitalit Covid 1, ku ende vijon beteja më pandeminë. Duke siguruar mjekët për mbështetjen deri në fund me bonusin special, Manastirliu tha se do të vijohet me ritme të shpejta vaksinimi, për të arritur edhe më shpejt objektivin për vaksinimin e të gjithë popullatës. Duke folur për situatën epidemilogjike në vend, ministrja Manastirliu e cilësoi atë si të kontrolluar, duke thënë se numri i rasteve të reja dhe fataliteteve ka pësuar ulje, por kërkoi të mos ulet vigjilenca në këto momente. Ministrja e Shëndetësisë bëri me dije se pavarësisht lehtësimit të situatës, mbështetja e personelit me bonusin special do të vijojë. “Unë kisha planifikuar të isha me ju sepse dua që t’ju falenderoj për të gjithë punën dhe impenjimin përgjatë këtyre muajve të vështirë dhe për t’ju falenderuar dhe për t’ju thënë se përmes jush edhe qytetarëve që asgjë nuk ka mbaruar ende sepse për fat të keq Covidi është ende prezent, ende janë qytetarë të cilët vuajnë pasojat e tij. Raste të rënda të cilët janë të shtruar në shërbimet tona spitalore. Një prej spitaleve Covid-4 është zbrazur sepse ka rënë numri i pacientëve që kurohen, por nga ana tjetër spitali është në gjendje gadishmëri që nëse kemi një shtim të rasteve kjo strukturë do jetë aktive.