Banorë të Maliqit dhe zonave përreth punonjës të administratës, këshilltarë dhe përfaqësues të bizneseve protestuan këtë të diel para godinës së Bashkisë Maliq kundër projektit të reformës së re territoriale, e cila parashikon bashkimin e saj me Bashkinë e Korçës. Duke kundërshtuar ndryshimin e hartës administrative, protestuesit thanë se një vendim i tillë do të sjellë aneksimim e kësaj zone çka do të reflektohet në mungesë shërbimesh, rënie të aktivitetit ekonomik dhe shpopullim. Duke shprehur zhgënjim ata u kanë bërë thirrje deputetëve të mos votojnë këtë ndryshim në Parlament. Sakaq këshilli bashkiak ka thirrur një mbledhje jashtë radhe për të zyrtarizuar qëndrimin kundër shkrirjes së bashkisë Maliq për tja dërguar parlamentit Banorët kërkuan që propozimi për bashkimin e Bashkisë Maliq me Korçën të rishikohet dhe u bënë thirrje deputetëve të qarkut të Korçës që të mos mbështesin në Parlament asnjë nismë që çon në shkrirjen e Bashkisë Maliq.