Presidenti malazez Milo Gjukanovic hodhi poshtë propozimin që Miodrag Lekiç të jetë i mandatuari për krijimin e qeverisë re dhe i ka dërguar kryetares së parlamentit Danijela Gjurovic kërkesën për “shkurtimin e mandatit” të Kuvendit të Malit të Ziduke i hapur kështu rrugën zgjedhjeve të reja. Kreu i shtetit thotë se beson se ekzekutivi i ri mund të arrihet vetëm me vendim të qytetarëve në zgjedhje. Gjukanovic nuk ka krijuar përshtypjen se ekziston një shumicë e qartë që do të mund të formonte një Qeveri e cila të ofronte zgjidhje për probleme shumë të vështira në nivel financiar, ekonomik, juridik, institucional dhe politik. Ai vuri theksin te aspekti i sigurisë duke nënvizuar se kriza aktuale në Evropë, e shkaktuar nga agresioni i Rusisë në Ukrainë ka ndikime në sigurinë e Ballkanit Perëndimor.Të hënën Fronti Demokratik pro-serb, Demokratët dhe URA e kryeministrit ne largim Dritan Abazoviq, u pajtuan që Miodrag Lekiç të jetë mandatar, por nuk i dorëzuan nënshkrimet e 41 deputetëve të tyre në parlamentin 81 vendesh. Këto parti fituan shumicën në zgjedhjet parlamentare të gushtit të vitit 2020. Mali i Zi është me qeveri teknike që nga muaji gusht kur parlamenti miratoi një mocion mosbesimi ndaj qeverisë së kryeministrit Dritan Abazoviq, pak pasi ai nënshkroi një marrëveshje të diskutueshme me Kishën Ortodokse Serbe. Marrëveshja nxiti përplasje brenda koalicionit qeverisës që në fillim. Një pjesë e partive qeverisëse, theksuan se marrëveshja është kundër interesave kombëtare të Malit të Zi dhe nuk është në pajtim me kushtetutën dhe ligjet malazeze. Pamjet: AFP