Një aksident me pasojë vdekje ku humbi jetën një 30 vjeçare, ka ndodhur mbrëmjen e së premtes në aksin rrugor Dimal-Berat. Aksidenti ndodhi në vendin e quajtur Moravë. 30 vjeçarja Lavdie Gjata së bashku me fëmijën e saj 2 vjeç ka qenë duke kaluar rrugën për në anën tjetër ku dhe e priste bashkëshorti i saj kur dhe është goditur nga një automjet tip BMW me targë AC 666 AT me drejtues shtetasin A.Tafa. Fatkeqësisht përplasja ka rezultuar fatale për 30-vjeçaren, e cila humbi jetën në vendngjarje ndërsa fëmija i saj të cilën në momentin e aksidentit e kishte në krah nuk ka marr lëndime serioze megjithëse është shoqëruar drejt spitalit rajonal Berat për një kontroll më të detajuar. Sipas hetimeve paraprake nga forcat blu rezultoi që drejtuesi i mjetit A.Tafa gjatë momentit të aksidentit nuk ishte nën efektin e alkoolit. Ai u shoqëruar për ne komisariatin e Beratit për tu marr në pyetje mbi shkaqet që sollën dhe aksidentin me një humbje jete. Vitet e fundit kanë qenë të shumta aksidentet e ndodhura përgjatë këtij aksi rrugor ku një ndër shkaqet është dhe mungesa e ndriçimit pasi është një aks rrugor ku jetojnë një numër i lartë familjesh në afërsi të tij.