Një punonjës i policisë rrugore u aksidentua mbrëmjen e së martës në Durrës, ndërsa ishte në krye të detyrës. Ngjarja ndodhi në një nga rrugët kryesore të qytetit bregdetar, pranë Mauzoleumit të Dëshmorëve. Efektivi ishte në shërbim, kur u godit nga automjeti, drejtuesi i të cilit u shoqërua në polici për veprime të mëtejshme. Ndërkohë punonjësi i aksidentuar i policisë u dërgua në spitalin rajonal të Durrësit ku ndodhet jashtë rrezikut për jetën. Sipas shërbimit të urgjencës spitalore, ai ka pësuar dëmtime në pjeswn e këmbëve. Paraprakisht deklarohet se shkelja e rregullave të qarkullimit rrugor nga ana e drejtuesit të mjetit, që dyshohet të ketë shkaktuar aksidentin, është favorizuar edhe nga errësira në rrugë. Ndërkohë grupi hetimor dhe kolegët e të aksidentuarit po vijojnë hetimin për zbardhjen e plotë të rrethanave të aksidentit.