Këtë të mërkurë, qielli i natës u ndriçua nga një pamje magjepsëse. Hëna e plotë e nëntorit, e cila shfaqej si një super-hënë e jashtëzakonshme. Ajo ishte më e madhe dhe më e ndritshme se çdo hënë tjetër që do të ndodhë gjatë vitit 2025. Ky fenomen ka një kuptim të thellë në kulturat e ndryshme, dhe një prej emrave më të njohura që i janë dhënë kësaj hëne është “Hëna e Kastorit”, një term që lidhet me traditat e lashta të amerikanëve vendas. Për ta ajo është një simbol i periudhës kur kastorët, këto kafshë të mëdha, janë më aktive se kurrë. Ky është gjithashtu momenti kur gjuetarët vendosin kurthe përpara se ujërat të ngrijnë dhe dimri të mbërrijë. Hëna shënon kështu një fazë të rëndësishme të përgatitjes për dimrin e ashpër, duke simbolizuar gjithashtu durimin dhe qëndrueshmërinë përballë kushteve të ftohta që do të vijnë. Kjo hënë e plotë ka një veçori të veçantë: ndodh kur hëna është në pikën më të afërt me tokën. Në këtë moment, hëna ndodhet rreth 356 mijë e 980 kilometra larg nga toka, duke u dukur deri në 30% më e madhe dhe më e ndritshme se një hënë e zakonshme. Ky fenomen krijon një spektakël të jashtëzakonshëm për ata që kanë mundësinë ta shohin.