Presidenti Nicolas Maduro ka dënuar sot observuesit e BE të zgjedhjeve lokale në Venezuelë, duke mohuar komentet e tyre mbi parregullsitë në zgjedhje. "Ata që erdhën si armiq, delegacioni i spiuënve të BE, nuk gjetën asnjë provë për të kritikuar sistemin elektoral," tha Maduro për zgjedhjet e 21 nëntorit. Kandidatët për guvernatorë e kryebashkiakë të mbështetur nga Maduro u shpallën fitues në shumicën e garave. Në këto zgjedhje mori pjesë dhe opozita për herë të parë prej vitit 2017, duke i dhënë fund serisë së bojkoteve. Misioni observues i BE tha në raport se megjithë përmirëismin e kushteve “kishte mungesë të zbatimit të rendit ligjor”. Drejtuesja e misionit te BE, Isabel Santos tha se "disa ligje prishnin barazinë e kushteve dhe transparencën e zgjedhjeve. Zgjedhjet e fundjavës së shkuar në Venezuelë u monitoruan nga një delegacion i BE për herë të parë në 15 vjet.