Presidenti francez Emanuel Macron i cili synon një mandate të dytë si president, prezantoi gjatë një vizite në nicë projektin e tij për sigurinë. Macron njoftoi se synon të rrisë numrin e oficerëve të policisë në rrugë, si dhe të krijojë 200 brigada të reja xhandarmërie. Gjithashtu synohet heqja e disa detyrave administrative xhandarëve dhe policëve në mënyrë që ata të fokusohen më shumë te cështjet e sigurisë. Macron tha se sot policët ashtu si xhandarët bëjnë shumë detyra që nuk ndryshojnë jetën e përditshme të qytetarëve. Ata ruajnë ndërtesat publike, të burgosurit e spitalit, detyra të cilat ndonjëherë zënë ditë të tëra dhe nuk i lejojnë të patrullojnë lagjen apo të përgjigjen shpejt sa do të donim kur bëjmë një telefonatë. Ne do të mobilizojmë forca shtesë për të siguruar qetësinë e lagjeve. Do të krijojmë 200 brigada xhandarmërie në zonat rurale, tha macron. presidenti francez njoftoi se dhuna në familje do të luftohet me prioritet. “Të gjithë ata që raportohen si autorë të dhunës në familje do të përfshihen në një regjistër. Ky regjistër do të na lejojë të përshpejtojmë ndërhyrjet dhe t'i bëjmë ato më efikase." presidenti francez njoftoi se do të ketë gjoba të larta për të gjithë ata që do të kryejnë ngacmime në rrugë.