Presidenti francez Emanuel Makro ka thënë se Ukraina duhet të lejohet të sulmojë në Rusi pozicionet nga ku është sulmuar. Macron foli në një konferencë të përbashkët shtypi me kancelarin gjerman Olaf Sholc në Meseberg, në veri të Berlinit. Në të njëjtën linjë ishte edhe kancelari Sholc, i cili argumentoi se përdorimi i raketave të furnizuara nga Perëndimi në Ukrainë duhet të vazhdojë të kryhet "brenda kuadrit të së drejtës ndërkombëtare, e cila deri më tani ka funksionuar mirë". I menjëhershëm ka qenë reagimi zyrtar i Moskës. Qeveria ruse deklaroi se përdorimi i raketave perëndimore për të goditur thellë në territorin rus do të sjellë pasoja të rënda. "Situata po përkeqësohet dhe entuziazmi i tërbuar ushtarak i perëndimorëve ka filluar të dominojë. Ne duhet të marrim masa”, citohet të ketë thënë një zëdhënës i Kremlinit. Akoma më i ashpër ishte qëndrimi i presidentit rus Vladimir Putin. “Nëse ushtarët polakë hyjnë në Ukrainë, ata nuk do të kthehen kurrë në shtëpi”. Kështu deklaroi ai gjatë një konference për shtyp në fund të vizitës së tij në Uzbekistan, raporton Ria Novosti. "Nëse disa kontingjente nga vendet evropiane arrijnë të futen në Ukrainë së bashku me polakët, disa ndoshta do të mund të kthehen në shtëpitë e tyre, ndërsa polakët kurrë”, shtoi ai. Pamjet: AFP