Presidenti amerikan, Donald Trump, ka kërcënuar se do të vendosë një tarifë 200% për verërat dhe shampanjat franceze, pas lajmit se presidenti francez, Emmanuel Macron, ka refuzuar t'i bashkohet iniciativës së tij për krijimin e "Bordi të Paqes". Kreu i Shtëpisë së Bardhë e ka lidhur drejtpërdrejt kërcënimin e tarifave me refuzimin e Macron-it për të marrë pjesë në këtë organ, të cilin presidenti amerikan e ka paraqitur si forum për zgjidhjen e konflikteve globale. Sipas planit, anëtarët për një kohë të gjatë duhet të kontribuojnë secili me 1 miliard dollarë (rreth 857.170.000 euro) në një fond të mbikëqyrur nga Trump si kryetar. I pyetur për vendimin e Presidentit Macron për të mos iu bashkuar bordit, Trump iu përgjigj me paralajmërimin për tarifa. "Kështu ka thënë? Epo, askush nuk e do, sepse ai do të largohet nga detyra shumë shpejt. Do të vendos një tarifë 200% për verërat dhe shampanjat e tij, dhe ai do t'i bashkohet, por nuk është i detyruar", tha Trump. Një burim i afërt me Macron-in i tha agjencisë së lajmeve AFP të hënën se Franca "nuk ka ndërmend të përgjigjet pozitivisht" ndaj ftesës. AFP gjithashtu citoi të martën një burim të afërt me presidentin francez, i cili tha se kërcënimi me tarifa "për të ndikuar politikën tonë të jashtme" ishte "i papranueshëm dhe joefikas".