një i ri ende minoren fluturoi përrhet botës me avionin e tij. 17 vjecari Mack Rutherford, u ul në Bullgari, pas fluturimit 30,000-milje të gjatë ne mbi 30-vende të ndryshme, duke u bërë piloti më i ri që fluturon rreth botës. Ai u ul në Bullgari me avionin e tij të lehtë ‘Shark Aero’ në aeroportin bullgar, ku mberriti nga Sllovakia. Teksa rrotat e avionit preknin tokën një prezantues komentonte eventin e transmetuar direkt në rrjet, mes duartrokitjeve të njerëzve që kishin dalë për ta pritur: “Kemi një rekord të ri botëror, zonja e zotërinj”. Mack përshëndeti me dorë e buzëqeshi teksa dilte nga kabina e pilotimit. “Jam shumë i lumtur të jem këtu pas pesë muajsh të gjatë,” tha ai. Momenti shënonte fundin e udhëtimit të gjatë e sfidues në të cilin Mack fluturoi në dhjetëra shtete për disa muaj, pasi u ngrit nga i njëjti aeroport më 23 mars. Arritja e tij lë prapa britanikun Travis Ludloë i cili mbante rekordin e mëparshëm kur kreu fluturimin prej 25 000 miljesh një vit më parë, kur ishte 18 vjeç.