Largimi i dy avionëve amerikanë të furnizimit me karburant nga Baza Ajrore Bezmer në Bullgari ka sjellë lehtësim te banorët e fshatit dhe zonave përreth, të cilët prej javësh druheshin se prania e mjeteve ushtarake amerikane mund ta kthente rajonin në objektiv të mundshëm të sulmeve iraniane. Ministri bullgar i Mbrojtjes, njoftoi se avionët ishin larguar nga vendi, ndërsa presidenti Ilya Yotova deklaroi se misioni i tyre ishte përfunduar për momentin. Edhe Forcat Ajrore Amerikane konfirmuan largimin e dy avioneve Boeing, duke thënë se avionët do të përmbushnin “nevoja të tjera operacionale”. Avionët ishin vendosur në Bullgari për të mbështetur operacionet amerikane në kuadër të luftës me Iranin. Vendosja e tyre kishte shkaktuar shqetësim të madh në Bezmer, një fshat me rreth 1,000 banorë pranë bazës ajrore.