Lidhja Demokratike e Kosovës synon që para 7 gushtit, kur përfundon afati për konstituimin e kuvendit, t’i japë epilog kontestimit të udhëheqësisë së Lumir Abdixhikut. Sekretari i partisë, Ilir Ferati njoftoi të enjten se kanë nisur përgatitjet procedurale për mbajtjen e kuvendit të jashtëzakonshëm që në rend dite ka shkarkimin ose jo të kryetarit aktual të LDK-së, Abdixhikut. Kryetari ka deklaruar dje qëndrimin e vet përmes videomesazhit dhe ka cilësuar të nevojshme që me i pezullu negociatat me Lëvizjen Vetëvendosje derisa t'i zgjidhim cështjet tona të brendshme Ferati i pyetur nëse konsideron që Vetëvendosje duhet të presë LDK-në derisa të përmbyllë cështjet e brendshme, për të vazhduar diskutimet për formim të institucioneve, tha se fillimisht LDK-ja do të fokusohet te kuvendi i jashtëzakonshëm. Nuk po du me e cilësu urgjente, por sigurisht se na e imponon pjesa e datës së konstituimit të institucioneve, ani pse është përgjegjësi e partisë më të madhe ta fillojë punën edhe me i përshpejtu ato procedura