Evropa ndodhet në alarm për shkak të shtimit të pazakontë të fluturimeve të dronëve në hapësirat ajrore të vendeve të NATO-s, veçanërisht gjatë muajit shtator. Për t’u përballur me këtë kërcënim, udhëheqësit evropianë kanë rënë dakord për ngritjen e një “muri dronësh” përgjatë kufijve të tyre, me qëllim zbulimin dhe neutralizimin e dronëve të paautorizuar. Ndërkohë, kompanitë daneze “Ëeibel Scientific” (Vejbel Shentik) dhe “MyDefence” po përjetojnë rritje të jashtëzakonëshme të kërkesës për teknologji kundër dronëve. Pajisjet e tyre përdoren për mbrojtjen e aeroporteve, bazave ushtarake dhe infrastrukturës kritike, ndërsa disa prej tyre po dërgohen edhe në Ukrainë për t’u përdorur kundër dronëve rusë. Lufta në Ukrainë ka shërbyer si pikë kthese për industrinë e mbrojtjes me dronë. Përdorimi i pajisjeve që bllokojnë sinjalet është përhapur gjerësisht në fushëbetejë, ndërsa Rusia dhe Ukraina po zhvillojnë metoda të reja për të shmangur ndërhyrjet elektronike. Në krahun lindor të NATO-s, vende si Danimarka, Polonia dhe Rumania po instalojnë sistemin amerikan “Merops”, i cili përdor inteligjencë artificiale për të zbuluar dhe ndjekur dronët edhe kur sinjalet bllokohen. Teknologjitë e reja të radarit, si ato të “Ëeibel Scientific”, po shihen si pjesë thelbësore e mbrojtjes së ardhshme ajrore të Evropës. Në tërësi, shtimi i incidenteve me dronë ka nxitur një valë të re investimesh në teknologjitë kundër dronëve, duke treguar se kërcënimi ajror nuk është më vetëm problem i Ukrainës, por i gjithë kontinentit evropian.