Presidenti i Bjellorusisë, Alexander Lukashenko ka zbardhur detaje nga bisedimet e zhvilluara me presidentin rus Vladimir Putin dhe liderin e Wagner, Yevgeny Prigozhin, pas pretendimeve se pati një rol të rëndësishëm në ndalimin e rebelimit të së shtunës. Sipas deklaratës së Lukashenkos, të raportuar nga media shtetërore bjelloruse, udhëheqësi foli me Putinin në telefon në orët e para të mëngjesit për të diskutuar rreth situatës së krijuar. “Gjëja më e rrezikshme, siç e kuptoj unë, nuk është se si ishte situata, por si mund të rridhnin ngjarjet dhe pasojat e saj. Kuptova gjithashtu se Kremlini kishte marrë një vendim të ashpër, të shkatërronte Wagner. I sugjerova Putinit të mos nxitonte. Le të flasim me Prigozhin, me komandantët e tij”, theksohet të ketë thënë ai. Ndër të tjera Lukashenko shtooi se është përpjekur për të gjetur mënyrat e kontaktit të Prigozhin, e më pas gjatë mesditës e ka telefonuar. Që në momentin që kanë nisur të diskutojnë presidenti I Bjellorusisë deklaroi se themeluesin e Ëagner dukej i revoltuar. “Ne folëm për raundin e parë prej 30 minutash në një gjuhë të ashpër që përfshinte edhe të shara. Fjalë për fjalë. Kishte më shumë fjalë sharje sesa fjalor normal. Sigurisht, ai kërkoi falje paraprakisht dhe filloi të më tregonte gjithçka duke përdorur këto fjalë të turpshme”, tha Lukashenko. Udhëheqësi i Ëagner, Yevgeny Prigozhin mbërriti në Bjellorusi këtë të martë, pasi u tërhoqën nga kryengritja që bënë në Rusi.