Pak kilometra para se të mbërrinte në Moskë, kreu i grupit wagner Yevgeny Prigozhin urdhëroi mercenarët e tij që të ndalonin përparimin drejt kryeqytetit rus dhe të ktheheshin në kampet e tyre në Ukrainë. Prigozhin tha se donte të shmangte gjakderdhjen në Rusi e për këtë arsye urdhëroi tërheqjen. Njoftimi për tërheqjen erdhi pas një deklarate të bërë nga zyra e Presidentit të Bjellorusisë Alexander Lukashenko, se ai kishte negociuar një marrëveshje me Prigozhinin pasi kishte diskutuar mbi këtë çështje me Presidentin Putin. “Prigozhini ra dakord të ndërpriste përparimin drejt Moskës në një marrëveshje të propozuar, përfshirë garancinë për siguri për trupat e Wagnerit”, tha zyra e Lukashenskos, për mediar pa dhënë më shumë detaje. Ndërkohë ende nuk dihet nëse Moska mori parasysh kërkesën e Prigozhin për shkarkimin e ministrit të mbrojtjes. Autokolona e mercenarëve të grupit Wagner njoftohet se kaloi në qytetin rus Voronezh, duke përparuar me shpejtësi drejt Moskës. Oërët e para të mëngjesit forcat mercenare arritën të merrnin kontrollin e Rostov-on-Don-it, një qytet me më shumë se një milion banorë afër kufirit me Ukrainën. Ndërkohë në kryeqytetin e Moskës pati panik, ndërsa, sipas BBC, nisi menëjehrë evakuimi I ndërtesave publike muzeve dhe qendra tregtare . Vladimir Putini, që e quajti tradhëtar njeriun e konsideruar pjesë të rrethit të ngushtë të tij. Presidenti rus urdhëroi arrestimin e Prigozhinit dhe ofroi aministi për të gjithë pjesëtarët e Ëagnerit. Kreu i Wagnerit deklaroi se kishte 25,000 trupa nën komandën e tij dhe do të ndëshkonte ministrin Shoigu në një kryengritje të armatosur