Sali Berisha tenton sërish të zbusë tonet brenda demokratëve, pas pakënaqësive nga rezultati i 11 Majit, ku disa kandidatë humbës kërkuan rinumërim votash. Duke vënë theksin te transparenca, Berisha u shpreh se është pranuar çdo kërkesë për numërimin e votave në parti. “Ky proces ka të bëjë vetëm me atë që quhet transparencë. Çdo njeri që ka kërkuar për të numëruar votat këtu në parti, i është pranuar absolutisht kërkesa. Çdo njeri që ka dyshim për numërimin e votave në komisionet e numërimit le të kërkojë rinumërim dhe kjo pa asnjë lloj dyshimi se ky rezultat mund të jetë ky apo ai, por vetëm se gjykoj se transparenca është mënyra më e mirë për t’iu përgjigjur çdo dyshimi që tjetri ka. Asnjë lloj tendence nuk kam unë në këtë proces. E kërkojnë, le ta bëjnë.