Presidenti amerikan, Donald Trump, nuk ka ndërmend ta nënshkruajë një deklaratë të përbashkët që bën thirrje për deeskalim të situatës mes Izraelit dhe Iranit. Kjo deklaratë është hartuar nga udhëheqësit e G7 në Kanada, ka raportuar CNN, ndonëse u tha se zyrtarët e shteteve shpresuan se Trump do ta nënshkruante. Draft-deklarata, që është përkrahur nga zyrtarët evropianë në Samit, thotë se “Izraeli ka të drejtë të mbrohet dhe se Irani nuk mund të pajiset me armë bërthamore”. Vendimi i Trumpit për të mos e nënshkruar deklaratën krijoi përçarje të menjëhershme me homologët e tij. Zyrtarët evropianë, të udhëhequr nga presidenti francez, Emmanuel Macron, kancelari gjerman Friedrich Merz dhe kryeministri britanik, Keir Starmer, shpresonin të arrinin një konsensus mes udhëheqësve mbi situatën aktuale në Lindje të Mesme, së bashku me organizatorin e samitit, kryeministri kanadez, Mark Carney. Më herët presidenti amerikan ishte shprehur se përjashtimi i Rusisë nga G7 ishte veprim i gabuar. Këto deklarata Trump i bërë gjatë takimit me homologun kanadez, Mark Carney. Për largimin e Vladimir Putinit nga dikur G8, Trump tha se presidenti rus ishte ofenduar shumë. Duke folur për Kinën, Trump tha se nuk ide e keqe që edhe Kina t'i bashkohet këtij grupi.