Më shumë ndihmë ushtarake kërkoi president Presidenti i Ukrainës, Volodymyr Zelensky nga shtetet e bashkuara të Amerikës që vendi I tij të përballojë luftën kundër Rusisë. Në një intervistë për rrjetin NBC, kreu I shtetit ukrainas tha se ushtarët amerikanë mund të përfshihen potencialisht në një konflikt më të madh evropian me Rusinë, nëse Uashingtoni nuk e rrit ndihmën. “Nëse Rusia na vret të gjithë neve, ata do t’i sulmojnë vendet e NATO-s dhe ju do t’i dërgoni djemtë dhe vajzat tuaja [për të luftuar]”, tha ai gjatë intervistës ndërsa ftoi dhe ish-presidentin amerikan, Donald Trump që të shkojë në Ukrainë për ta parë shkallën e konfliktit me sytë e tij. “Nëse mund të na vizitojë këtu, më duhen 24 minuta për t’ia sqaruar presidentit Trump që ai nuk mund ta menaxhojë këtë luftë. Ai nuk mund të sjellë paqe, për shkak të Putinit”, tha Zelensky. Deklarata erdhi pasi Trump, i cili synon ta fitojë edhe një mandat presidencial më 2024, dhe është kandidat kyç për të fituar nominimin e partisë së tij, ka qenë kritik i ashpër i ndihmës amerikane për Kievin, dhe ka thënë se do t’i japë fund luftës brenda 24 orëve, nëse zgjidhet.