Pushtimi i plotë i Rusisë në Ukrainë u konceptua në Kremlin si një operacion i shkurtër dhe i mprehtë ushtarak. Pritshmëria ishte se do të duheshin disa ditë, maksimumi disa javë, që Rusia të vendoste kontrollin mbi fqinjin e saj. Kjo ishte gati dy vjet e gjysmë më parë. “Lufta në Ukrainë vazhdon. Nuk ka shkuar fare ashtu siç kishte menduar Moska. Por këtu është “thelbi”. Gjatë 29 muajve të fundit, kaq shpesh kemi dëgjuar zyrtarë të lartë rusë të pretendojnë se operacioni po shkon “sipas planit”, thuhet në analizën e BBC. Presidenti rus Vladimir Putin shpesh herë ka bërë deklarata ku ka treguar për arritjet e ushtrisë së vendit të tij, por që shumë herë është hedhur poshtë nga autoritetet ukrainase. Mediat ruse i konsiderojnë sulmet në Kursk si mjegull, por që BBC shkruan se pavarësiht situatës disa gjëra duhet të iashin të qarta. Është e qartë se ajo që po shpaloset në rajonin e Kurskut është dëshmi e mëtejshme se lufta e Rusisë në Ukrainë nuk ka shkuar “sipas planit”. Ngjarjet duket se kanë befasuar lidershipin politik dhe ushtarak të Rusisë, shkruan BBC duke shtuar se Moska nuk ka për ta pranuar një gjë të tillë. Më shumë gjasa, zyrtarët rusë do të përdorin sulmin ukrainas në përpjekje për të mbledhur publikun rus rreth qeverisë dhe për të forcuar narrativën zyrtare të Kremlinit se vendi i tyre është një kështjellë e rrethuar nga armiqtë që po komplotojnë për ta pushtuar dhe shkatërruar atë.