Ushtria izraelite është futur në rajonin e Libanit Jugor për të nisur luftën tokësore me Hezbollahun. Sipas njoftimeve të fundit, Izraeli ka konfirmuar se deri tani kanë humbur jetën tetë ushtarë, mes tyre dhe një kapiten. Kryeministri Netanyahu thotë se ky është një mision i ri jetik për të shtyrë prapa Hezbollahun dhe për të lejuar dhjetëra mijëra izraelitë të kthehen në shtëpitë e tyre. Hezbollahu tha se më herët ishte përleshur me forcat izraelite brenda jugut të Libanit. Forcat izraelite dhe luftëtarët e Hezbollahut janë angazhuar në luftime në terren në Libanin jugor. Zëdhënësi i Hezbollahut, Mohamed Afif, u tha gazetarëve në Bejrut se grupi i mbështetur nga Irani u përlesh me forcat izraelite në Aadeyseh. Në një deklaratë të veçantë ai tha se përleshjet po vazhdojnë me ushtarët izraelitë në fshatin jugor të Libanit, Maroun Al-Ras.