Zbatimi i marrëveshjes së arritur mes Izraelit dhe Hamasit për armëpushimin katër ditor të luftës në Gaza si dhe lirimin e pengjeve dhe të burgosurve u shty deri të premten. Sakaq në Gaza luftimet vijojnë dhe plumbat e raketat nuk kursejnë as gazetarët. Agjensia franceze e lajmeve, AFP publikoi pamjet e momentit kur në një spital të Gazës ka arritur një kameraman i Rojters. Fadi Shana u plagos teksa filmonte shkatërrimin e një banese në Gaza. “Po filmoja në një kompleks pallatesh të sulmuara. Brenda njërës prej ndërtesave kishte viktima. Aty afër godinës pati një shpërthim që e shembi të gjithën. Zoti më shpëtoi, nuk e di se si rrënojat nuk ranë mbi mua” tregoi kameramani i Rojters. Që nga shpërthimi i konfliktit në Gaza, Federata Ndërkombëtare e Gazetarëve ka raportuar për të paktën 53 gazetarë dhe punonjës të medias të vrarë. Pamjet: AFP