Lufta e SHBA-së dhe Izraelit ndaj Iranit e ka lënë në hije konfliktin e Ukrainës, me vëmendjen e botës të postuar prej muajsh tashmë në Lindjen e Mesme. Por ndonëse konflikti mes Ukrainës e Rusisë mbetet i trazuar e pa një zgjidhje të qartë, disa ekspertë perëndimorë po paralajmërojnë se në fakt, fundi i tij mund të jetë i afërt. Me fokusin e botës tek situata në Iran, furnizimet ushtarake për Kievin duken të destinuara të shterojnë, ndërsa në të njëjtën kohë, Moska përfiton nga çmimet e larta globale të naftës dhe gazit. Fronti mbetet pothuajse i bllokuar: as Ukraina, as Rusia nuk kanë arritur përfitime territoriale të rëndësishme. Megjithatë, Kievi po sulmon infrastruktura kritike të energjisë brenda Rusisë, duke detyruar Kremlinin të mbyllë përkohësisht internetin dhe duke ulur popullaritetin e presidentit Vladimir Putin, thonë ekspertë dhe zyrtarët ushtarakë të cilët nuk e përjashtojnë mundësinë e një mobilizimi të ri nga Putini, si ai i vjeshtës së vitit 2022, edhe pse disa, si Evelyn Farkas nga Instituti McCain, besojnë se problemet ekonomike brenda Rusisë do ta pengojnë një mobilizim të plotë. Megjithatë, sipas Sipas ish-përfaqësuesit special të SHBA, Kurt Volker, Ukraina tani përmbush 60–70% të nevojave të saj ushtarake brenda vendit, duke e bërë më pak të varur nga armët perëndimore. Kjo i jep Kievit mundësinë të vazhdojë luftën edhe nëse furnizimet amerikane ndërpriten, megjithëse mbetet e vështirë të garantohet furnizimi me raketat Patriot në sasi të mëdha si më parë.