Biletat e metrosë pothuajse do të dyfishohen në çmim gjatë Lojërave Olimpike që do të mbahen në Paris në vitin 2024, tha autoriteti rajonal i transportit këtë javë. Biletat do të shiten katër euro nga 2.1 euro që janë tani, dhe blloqet me 10 bileta për 32 euro, nga16,90 që janë aktualisht. Kreu i autoritetit të transportit të rajonit të Parisit, Valerie Pecresse, tha në një video të postuar vonë të hënën në platformën X, dikur Tëitter, se lejet vjetore dhe mujore të udhëtimit për banorët nuk do të ndikoheshin nga rritja e madhe e çmimeve. "Nuk bëhet fjalë që njerëzit që jetojnë në rajonin e Parisit që të paguajnë për koston shtesë" tha ajo. Rreth 10 milionë vizitorë priten gjatë Lojërave Olimpike që fillojnë korrikun e ardhshëm. Sidoqoftë, turistët do të jenë në gjendje të blejnë një leje të posaçme me tarifë fikse për 16 euro në ditë ose 70 euro në javë gjatë Lojërave për udhëtime nëpër Paris dhe rajonin e tij, duke përfshirë aeroportet Charles de Gaulle dhe Orly. Pecresse këshilloi banorët e Parisit që të rezervonin biletat e metrosë përpara korrikut për të shmangur tarifën shtesë. Ajo tha se tarifa shtesë do të jetë efektive nga 20 korriku deri më 8 shtator. Pamjet: AFP