Top Channel/ Liverpool, s’i duan emigrantët, qytetarët protestuan para një hoteli me emigrantë të paligjshëm

Një makinë policie është djegur gjatë një proteste në qytetin e britanisë së madhe Liverpool. qytetarët atje protestojnë kundër emigrantëve të paligjshëm që po strehohen në hotelet vendase nga autoritetet. Pamje të publikuara tregojnë qindra njerëz duke brohoritur jashtë hotelit që po përdoret për të strehuar emigrantët ilegalë. Një grupim i mbrojtjes së emigrantëve i quajtur ‘Care4Calais’ thanë se ishin bllokuar në një parkim pasi protestat kishin dalë jashtë kontrolli. Policia vendase tha se protesta u bë e dhunshme teksa grupi ndaloi aktivistët e refugjatëve rreth orës 6.30 të pasdites, në këtë kohë nisi dhe dhuna ndaj oficerëve të policisë. Policia angleze njofton se arrestoi tre persona për trazira të dhunshme. Nuk është raportuar për të plagosur. Kreu i policisë vendase tha: “Ne respektojmë të drejtën e protestës por skenat e mbrëmjes së të shtunës ishin të papranueshme pasi vinin në rrezik komunitetin. mbërritja e mijëra refugjatëve përmes ngushticës së lamashit nga Franca kanë shtuar tensionet mes komuniteteve vendase në britaninë e madhe Pamjet: AFP