Gjykata Kushtetuese rrëzoi PEZULLIMIN e ndryshimeve të kodit zgjedhor të kërkuar nga partitë e vogla që u bënë bashkë kundër paktit pd-ps për mbylljen e listave. Ndërsa në ditët në vijim pritet të shprehet mbi padinë e tyre për shfuqizimin e këtyre ndryshimeve elektorale. efekt Dashamir Shehi dhe Lulzim Basha edhe pse nuk janë rreshtuar në një koalicion bashkuan forcat me disa parti të reja për të hedhur poshtë marrëveshjen që Sali Berisha bëri me Edi Ramën për formulën e re të zgjedhjes së deputetëve. Të vegjlit i parashtruan argumentet e tyre trupës kushtetuese se pse marrëveshja mes PS dhe PD nuk duhet lënë në fuqi. Këta kanë ngritur një gardh dhe nuk po lënë konkurrimin e kundështarëve politikisht. Ndryshimet në kodin elektoral parashikojnë që 100 deputetë të jenë emra të sigurtë në Parlamentin e ardhshëm si preferencë e kryetarit dhe vetëm 40 e zgjedhësve, por kjo formulë në argumentet e juristëve që përfaqësuan zërin e të vegjëlve ne Kushtetuese është e padrejtë. Gjykata Kushtetuese ka 30 ditë kohë për tu shprehur mbi padinë e 6 partive te vogla dhe 4 deputeteve demokrat që kryesohen nga Lulzim Basha, por pala paditëse pret që trupa e gjyqtareve të flasë para se kreu i shtetit te dekretoje datën e zgjedhjeve.