Lista Serbe pretendon se ka siguruar 90 për qind të votave të fituara të komunitetit serb dhe se i ka marrë të 10 vendet e rezervuara komunitetit serb në Kuvendin e Kosovës. Zyrtarë të Listës Serbe, përfshirë kryetarin e kësaj partië, Zlatan Elek shprehet se partia e Nenad Rashic mori vota “në mjedise ku serbët nuk jetojnë”, dhe do të presin një vlerësim të Komisionit Qendror të Zgjedhjeve. Megjithatë, Rashic nga Partia për Liri, Drejtësi dhe Mbijetesë e Nenad Rashiqit insiston se e ka siguruar një vend në Kuvendin e Kosovës për katër vjetët e ardhshme. Partia e tij mori 4.600 vota në zgjedhjet e djeshme parlamentare. “Këtë besim që na u dha e përjetojmë si një nder të madh, por edhe si një detyrim që të jemi edhe më të fortë, edhe më të pranishëm dhe edhe më të përkushtuar ndaj interesave të qytetarëve”, tha partia e Rashic në një njoftim në Facebook. Zyrtari i Listës Serbe, Igor Simic u shpreh se po pritet edhe numërimi i votave me kusht, si dhe se janë në shqyrtim mbi 1.000 vota të personave të zhvendosur nga Kosova, të cilët gjithashtu kanë votuar në zgjedhjet e së dielës. Edhe në zgjedhjet parlamentare të muajit shkurt të këtij viti, Lista Serbe kishte pretenduar se i kishte fituar të gjitha dhjetë mandatet, por një mandat deputeti megjithatë përfundoi në duart e Rashicit.