Presioni nga institucionet europiane ka detyruar autoritetet policore në Nish të Serbisë të lirojë nga paraburgimi, opozitarin serb, Nikola Sandulovic, i arrestuar pasi vendosi lule në varrezat e fshatit Prekaz të Skenderajt, ku forcat serbe sulmuan shtëpitë e familjes së Adem Jasharit, duke vrarë mbi 50 anëtarë të kësaj familjeje gjatë luftës në Kosovë. Lajmi u bë i ditur nga avokati mbrojtës i Sanduloviç, i cili tha se arrestimi i opozitarit serb nën dyshimet se ka nxitur urrejtje me veprimet e tij, ishte politik. Po ashtu sipas avokatit, Nikola Sandulovic është dhunuar para të burgosej. Asambleja Parlamentare e Këshillit të Evropës bëri thirrje për lirimin e tij, ndërkohë që reagime si për arrestimin ashtu edhe për dhunën e ushtruar ndaj tij, pati edhe nga kryeministri i Kosovës, Albin Kurti. Zyra e Prokurorisë Themelore në Beograd tha më 11 janar se me dëshmitë e mbledhura deri nuk ka prova bindëse dhe të qarta” se Sandulovic eshte dhunuar. Pamjet: AFP