Top Channel/ Lirohen 54 pengje e 117 të burgosur. Në Gaza, sasia më e madhe e ndihmave në një ditë

Në ditën e tretë të armëpushimit mes Izraelit dhe Hamasit në Gaza, u liruan 14 pengje, duke e çuar në 54 numrin total të pengjeve të liruara siç raporton BBC. Po ashtu nga ana tjetër Izraeli liroi deri të dielën 117 të burgosur palestinezë. Bashkë me lirimin e pengjeve, e diela regjistroi dërgesën më të madhe të ndihmave drejt Gazës. Raportohet që në veri të Rripit të Gazës të kenë mbërritur 61 kamionë me ndihma. Zyra e Kombeve të Bashkuara për Koordinimin e Çështjeve Humanitare OCHA tha se në Gaza u dorëzuan gjithashtu 129 000 litra naftë si dhe katër rezervuarë me gaz për gatim. “Gjysmëhëna e Kuqe Palestineze që priti kamionët me ndihma sqaroi se banorëve në Gaza do t’u jepet ujë, ilaçe dhe pajisje mjekësore në katër pika shpërndarje në veri”, duke përfituar nga dita e tretë e armëpushimit në Gaza.