Qeveria shqiptare nënshkroi marrëveshjen me Bankën Europiane të Investiemve për ndërtimin e linjës hekurudhore Vorë-Hani Hotit. Zv/kryeministrja Belinda Balluku, njëherësh ministre e Infrastrukturës dhe Energjsë, njoftoi në rrjetet sociale se një tjetër partner I rëndësishëm firmosi për projektin madhor të ndërtimit të linjës hekurudhore me gjatësi prej 120 kilometrash që do të lehtësojë lëvizjen e qytetarve. Sipas Ballukut kjo marrëveshje është me rëndësi jo vetëm për Shqipërinë por dhe për vendet e rajonint. “Pas Tiranë-Durrës me degëzim në Rinas, Vorë-Hani i Hotit është projekti i dytë madhor i Qeverisë Shqiptare në transportin hekurudhor. Banka Eeuropiane e Investimeve mbetet një nga partnerët tanë më të rëndësishëm për jetësimin e disa projekteve strategjike të infrastrukturës rrugore e hekurudhore”, shkroi Balluku e cila ndau dhe disa foto nga nënshkrimi I marrëveshjes ku I pranishëm ishte dhe kryeministri Edi Rama. Hekurudha Vorë-Hani i Hotit është një nga projektet më madhore të qeverisë, që tashmë ka nisur punën për rehabilitimin e linjës Tiranë-Durrës. Vlera totale e projektit është 356 milionë euro, teksa do të jetë bashkëfinancim nga një sërë institucionesh financiare ndërkombëtare. Afatet buxhetore tregojnë se viti 2024 do të jetë i gjithi teknik dhe procedural për zgjedhjen e operatorëve fitues, ndërsa në 2025-ën pritet të fillojnë punimet. Projekti synon rehabilitimin dhe ndërtimin e 120 kilometrave linjë hekurudhore. Pjesa më e madhe do të përfshijë rehabilitimin e linjës ekzistuese. Hekurudha Vorë-Hani Hotit kalon në shtatë bashki dhe përshkon Ultësirën Perëndimore të Shqipërisë, me drejtim nga Jugu në Veri. Hekurudha lidh qendrat urbane të Vorës, Mamurrasit, Laçit, Milotit, Lezhës, Shkodrës dhe Koplikut.